ദക്ഷിണാഫ്രിക്ക എ ടീമിനെതിരെ രണ്ടാം അനൗദ്യോഗിക ടെസ്റ്റില്‍ ഇന്ത്യ എ മികച്ച നിലയില്‍. രണ്ടാം ദിവസം ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ ഇന്ത്യ 100 ഓവറില്‍ 339/5 എന്ന നിലയിലാണ്. 63 റണ്‍സ് നേടിയ ശിവം ഡുബേയും 14 റണ്‍സുമായി ജലജ് സക്സേനയുമാണ് ക്രീസില്‍ നില്‍ക്കുന്നത്. 233/3 എന്ന നിലയില്‍ രണ്ടാം ദിവസം ബാറ്റിംഗ് പുനരാരംഭിച്ച ഇന്ത്യയ്ക്ക് 78 റണ്‍സ് നേടിയ കരുണ്‍ നായരെ 6 റണ്‍സ് കൂടി നേടുന്നതിനിടെ നഷ്ടമായി.
73 റണ്‍സ് നാലാം വിക്കറ്റില്‍ നേടിയ ശേഷം വിയാന്‍ മുള്‍ഡര്‍ ആണ് കരുണ്‍ നായരെ പുറത്താക്കിയത്. 47 റണ്‍സ് കൂടി അഞ്ചാം വിക്കറ്റില്‍ നേടിയ ശേഷം സാഹയുടെ വിക്കറ്റും ഇന്ത്യയ്ക്ക് നഷ്ടമായി. താരം 60 റണ്‍സാണ് നേടിയ്. വെറോണ്‍ ഫിലാന്‍ഡറിനായിരുന്നു വിക്കറ്റ്.
