ഫസ്റ്റ് ക്ലാസ് ക്രിക്കറ്റില്‍ നിന്ന് താന്‍ വിരമിക്കുകയാണെന്ന് പ്രഖ്യാപിച്ച് ദക്ഷിണാഫ്രിക്കയുടെ ഓള്‍റൗണ്ടര്‍ റയാന്‍ മക്ലാരന്‍. തന്റെ ട്വിറ്ററിലൂടെയാണ് താരം ഈ പ്രഖ്യാപനം നടത്തിയത്. അതേ സമയം താന്‍ പരിമിത ഓവര്‍ ക്രിക്കറ്റ് മത്സരങ്ങളില്‍ തുടര്‍ന്നും കളിക്കുമെന്ന് താരം അറിയിച്ചു. ദക്ഷിണാഫ്രിക്കയ്ക്കായി രണ്ട് ടെസ്റ്റിലും 54 ഏകദിനങ്ങളിലും 12 ടി20 മത്സരങ്ങളിലും കളിച്ചിട്ടുള്ള താരം ദേശീയ ടീമിനായി അവസാനം കളിച്ചത് നവംബര്‍ 2014ല്‍ ആണ്.
— Ryan Mclaren (@ryanmac23) January 31, 2019
154 ഫസ്റ്റ് ക്ലാസ് മത്സരങ്ങളില്‍ കളിച്ചിട്ടുള്ള റയാന്‍ 7 ശതകങ്ങളും 459 വിക്കറ്റുകളും നേടിയിട്ടുണ്ട്. കെന്റ്, ഹാംപ്ഷയര്‍, ലാങ്കാഷയര്‍ എന്നീ കൗണ്ടികള്‍ക്കായും താരം കളിച്ചിട്ടുണ്ട്.
