തന്റെ അഭിപ്രായത്തിൽ വെസ്റ്റിന്‍ഡീസിൽ ഇന്ത്യയ്ക്കായി ഓപ്പണിംഗ് ദൗത്യത്തിൽ ശിഖര്‍ ധവാന് കൂട്ടായി എത്തേണ്ടത് റുതുരാജ് ഗായക്വാഡ് ആണെന്ന് പറഞ്ഞ് വസീം ജാഫര്‍. ലിസ്റ്റ് എയിൽ ഓപ്പണറെന്ന നിലയിൽ മികച്ച റെക്കോര്‍ഡുള്ള താരമാണ് റുതുരാജ് എന്നും താരത്തിനെ ആ സ്ഥാനത്ത് തന്നെ കളിപ്പിക്കണമെന്നും വസീം ജാഫര്‍ പറഞ്ഞു.
2021 വിജയ് ഹസാരെയിൽ ഏറ്റവും മികച്ച ഫോമിൽ കളിച്ച താരത്തിന് എന്നാൽ ഇത്തവണത്തെ ഐപിഎലില്‍ ശ്രദ്ധേയമായ പ്രകടനം പുറത്തെടുക്കുവാന്‍ സാധിച്ചിരുന്നില്ല. വിജയ് ഹസാരെയിൽ 5 ഇന്നിംഗ്സിൽ നിന്ന് 603 റൺസാണ് താരം നേടിയത്.
ഇടത് -വലത് കോമ്പിനേഷനും ഇത് വഴി സാധ്യമാകും എന്നാണ് വസീം ജാഫര്‍ വ്യക്തമാക്കിയത്. ഏകദിനത്തിൽ അരങ്ങേറ്റ അവസരത്തിനായി കാത്തിരിക്കുകയാണ് റുതുരാജ് ഗായക്വാഡ്.
