അയര്‍ലണ്ടിനെതിരെ ഇഷാന്‍ കിഷന് ഒപ്പം ബാറ്റിംഗ് ഓപ്പൺ ചെയ്തത് ദീപക് ഹൂഡയായിരുന്നു. ഓപ്പണറായി റുതുരാജ് ടീമിലുണ്ടായിട്ടും ഹൂഡയെ പരീക്ഷിച്ചതിന് കാരണം ഹാര്‍ദ്ദിക് മത്സര ശേഷം വ്യക്തമാക്കുകയായിരുന്നു. റുതുരാജിന് ചെറിയ നിഗിള്‍ ഉണ്ടായിരുന്നുവെന്നും അതിനാൽ തന്നെ ബാക്കിയെല്ലാവരും ഒരു സ്ഥാനം മുകളിൽ ബാറ്റ് ചെയ്യുകയായിരുന്നുവെന്നും ഹാര്‍ദ്ദിക് വ്യക്തമാക്കി.
47 റൺസ് നേടിയ ദീപക് ഹൂഡയുടെ ബാറ്റിംഗ് മികവിൽ ഇന്ത്യ മികച്ച ചേസിംഗ് പുറത്തെടുത്ത് അയര്‍ലണ്ടിനോട് വിജയം നേടുകയായിരുന്നു. അവസാന നിമിഷം മാത്രമാണ് ഹൂഡയോട് ഓപ്പൺ ചെയ്യേണ്ടി വരുമെന്ന് പറഞ്ഞതെന്നും അദ്ദേഹം മികച്ച രീതിയിൽ തന്റെ ഇന്നിംഗ്സ് മുന്നോട്ട് കൊണ്ടുപോയ എന്നും ഹാര്‍ദ്ദിക് പറഞ്ഞു.
