ഫീല്‍ഡര്‍മാര്‍ അവസരത്തിനൊത്തുയരണം – റസ്സല്‍ ഡൊമിംഗോ

- Advertisement -

തെറ്റുകളില്‍ നിന്ന് പാഠം ഉള്‍ക്കൊണ്ട് ബംഗ്ലാദേശ് ഫീല്‍ഡര്‍മാര്‍ അവസരത്തിനൊത്തുയരണമെന്ന് പറഞ്ഞ് ബംഗ്ലാദേശ് മുഖ്യ കോച്ച് റസ്സല്‍ ഡൊമിംഗോ. ന്യൂസിലാണ്ട് പര്യടനത്തില്‍ ടീമിന്റെ കൂറ്റന്‍ തോല്‍വികളില്‍ വലിയ പങ്ക് മോശം ഫീല്‍ഡിംഗ് ആയിരുന്നു. നിരവധി ക്യാച്ചുകള്‍ കൈവിട്ട ടീം ശ്രീലങ്കയ്ക്കെതിരെ ടെസ്റ്റ് പരമ്പരയിലും ആ തെറ്റുകള്‍ ആവര്‍ത്തിച്ചു.

എന്നാല്‍ ഫീല്‍ഡിംഗില്‍ ഇനിയും പാളിച്ചകള്‍ പാടില്ലെന്നും മികച്ച ക്യാച്ചുകളും റണ്ണൗട്ടുകളും സാധ്യമാക്കുന്ന ബംഗ്ലാദേശ് ഫീല്‍ഡര്‍മാര്‍ ആത്മവിശ്വാസത്തോടെ ഫീല്‍ഡിലിറങ്ങണമെന്ന് ഡൊമിംഗോ ആവശ്യപ്പെട്ടു. തെറ്റുകളെക്കുറിച്ച് കൂടുതല്‍ ഓര്‍ക്കാതെ ആത്മവിശ്വാസം വളര്‍ത്തിയെടുക്കുകയാണ് ബംഗ്ലാദേശ് താരങ്ങള്‍ ശ്രമിക്കേണ്ടതെന്നും അദ്ദേഹം പറഞ്ഞു.

 

Advertisement