ഇന്ത്യൻ ക്യാപ്റ്റൻ രോഹിത് ശർമ്മയെ കുറിച്ച് കോൺഗ്രസ് വക്താവ് ഡോ. ഷമ മുഹമ്മദ് സോഷ്യൽ മീഡിയയിൽ ബോഡി ഷെയ്മിംഗ് നടത്തിയ പരാമർശം വിവാദത്തിൽ പെട്ടിരുന്നു. ഈ സംഭവത്തിൽ രോഹിത് ശർമ്മക്ക് പിന്തുണയുമായി ബി സി സി ഐ എത്തി.
“@ImRo45 ഒരു കായികതാരം എന്ന നിലയിൽ ഫാറ്റ് ആണ്! ശരീരഭാരം കുറയ്ക്കേണ്ടതുണ്ട്! തീർച്ചയായും, ഇന്ത്യ കണ്ടിട്ടുള്ളതിൽ വച്ച് ഏറ്റവും അൺ ഇമ്പ്രസീവ് ആയ ക്യാപ്റ്റൻ ആണ് രോഹിത്!” – ഷമ മുഹമ്മദ് ട്വിറ്ററിൽ കുറിച്ച്. ഷമ പിന്നീട് ഈ ട്വീറ്റ് ഡിലീറ്റ് ചെയ്തു.
ഐസിസി ടൂർണമെൻ്റിനിടെ ഇത്തരം പരാമർശങ്ങൾ കളിക്കാരുടെ മനോവീര്യം കെടുത്തുമെന്ന് ചൂണ്ടിക്കാട്ടി ബിസിസിഐ സെക്രട്ടറി ദേവജിത് സൈകിയ പരാമർശത്തെ അപലപിച്ചു. പബ്ലിസിറ്റിക്ക് വേണ്ടി അപകീർത്തികരമായ പ്രസ്താവനകൾ നടത്തുന്നത് ഒഴിവാക്കണമെന്ന് അദ്ദേഹം അഭ്യർത്ഥിച്ചു.
ഷമ മുഹമ്മദിനെ ബിജെപിയും വിമർശിച്ചു. രോഹിതിൻ്റെ ഐപിഎൽ കിരീടങ്ങളും നേതൃത്വവും ഉയർത്തിക്കാട്ടി മാധ്യമപ്രവർത്തകൻ രാജ്ദീപ് സർദേശായി രോഹിതിനെ ന്യായീകരിച്ചു.
