ടി20 ലോകകപ്പ് സെമിയിൽ ഇന്ത്യ യൂസുവേന്ദ്ര ചഹാലിനെ കളിപ്പിക്കാതിരുന്നത് വലിയ തെറ്റായിപ്പോയെന്ന് പറഞ്ഞ് മൊഹമ്മദ് കൈഫ്. ആ തീരുമാനത്തിന് പിന്നിലെന്താണ് കാരണമെന്ന് രോഹിത്ത് ശര്‍മ്മയും രാഹുല്‍ ദ്രാവിഡും വിശദീകരണം നൽകുവാന്‍ ബാധ്യസ്ഥരാണെന്നും കൈഫ് പറഞ്ഞു.
ലെഗ് സ്പിന്നര്‍മാര്‍ക്ക് വലിയ പ്രാധാന്യമുള്ള റോളാണുള്ളതെന്നും എന്നാൽ ഇന്ത്യ ഓസ്ട്രേലിയയിൽ ഫിംഗര്‍ സ്പിന്നര്‍മാര്‍ക്ക് വലിയ നേട്ടം ലഭിയ്ക്കില്ലെന്നറിഞ്ഞിട്ടും അവരെ കളിച്ചിച്ചത് എന്ത് കൊണ്ടാണെന്ന് മനസ്സിലായില്ലെന്നും കൈഫ് അഭിപ്രായപ്പെട്ടു.
ബൗൺസ് ലഭിയ്ക്കും എന്നതിനാൽ തന്നെ റിസ്റ്റ് സ്പിന്നര്‍മാര്‍ക്ക് വിക്കറ്റ് ലഭിയ്ക്കുവാന്‍ സാധ്യത കൂടുതലായിരുന്നുവെന്നും ഇംഗ്ലണ്ട്, ഓസ്ട്രേലിയ, ദക്ഷിണാഫ്രിക്ക എല്ലാവരും റിസ്റ്റ് സ്പിന്നര്‍മാരെ കളിപ്പിച്ചിരുന്നുവെന്നും കൈഫ് വ്യക്തമാക്കി.
