“രോഹിത് ശാന്തനായ ക്യാപ്റ്റൻ” – ബട്ലർ

രോഹിത ശർമ്മ ഒരു മികച്ച ക്യാപ്റ്റൻ ആണെന്ന് ഇംഗ്ലീഷ് താരം ജോസ് ബട്ലർ. ഇന്ത്യ ഒരു മികച്ച ടീമാണ്, രോഹിത് ശർമ്മ ഒരു മികച്ച ക്യാപ്റ്റനും. കൂടുതൽ ക്രിയാത്മകമായും കൂടുതൽ സ്വാതന്ത്ര്യത്തോടെയും ടീമിനെ കളിക്കാൻ രോഹിത് അനുവദിക്കുന്നു എന്ന് ബട്ലർ പറഞ്ഞു. മുമ്പ് ബട്ലർ രോഹിതിന്റെ കീഴിൽ ഐ പി എല്ലിൽ മുംബൈ ഇന്ത്യൻസിനായി കളിച്ചിട്ടുണ്ട്.

Picsart 22 11 08 01 16 44 918

എന്റെ ഐ‌പി‌എൽ യാത്രയിൽ രോഹിത് വളരെ നല്ല ക്യാപ്റ്റൻ ആയാണ് തനിക്ക് തോന്നിയിട്ടുള്ളത് എന്ന് ബട്ലർ പറഞ്ഞു. രോഹിത് എപ്പോഴും നല്ല തീരുമാനങ്ങൾ എടുക്കുന്നു, സെമി ഫൈനലിൽ ഇന്ത്യയെ നേരിടുന്നതിന് മുന്നോടിയായൊ സംസാരിക്കവെ ബട്ട്‌ലർ പറഞ്ഞു.

ചുറ്റും എന്ത് നടക്കുമ്പോഴും രോഹിതിന് ഒരു ശാന്തതയുണ്ട്. അവൻ ബാറ്റ് ചെയ്യുമ്പോഴും അതുപോലെയാണ്. അദ്ദേഹത്തിന്റെ ബാറ്റിംഗ് വളരെ അനായാസമായി തോന്നും. ബട്ട്‌ലർ കൂട്ടിച്ചേർത്തു.