രോഹന്‍ കുന്നുമ്മലിന് ഹനുമ വിഹാരിയ്ക്കും ശതകം, നോര്‍ത്ത് സോണിനെതിരെ കൂറ്റന്‍ സ്കോറിലേക്ക് സൗത്ത് സോൺ

Sports Correspondent

Rohankunnummal
Download the Fanport app now!
Appstore Badge
Google Play Badge 1

ദുലീപ് ട്രോഫി ടൂര്‍ണ്ണമെന്റിന്റെ സെമി ഫൈനലില്‍ കരുതുറ്റ നിലയിൽ സൗത്ത് സോൺ. ഇന്ന് സേലത്ത് നടന്ന മത്സരത്തിൽ നോര്‍ത്ത് സോണിനെതിരെ ആദ്യം ബാറ്റ് ചെയ്ത സൗത്ത് സോൺ 2 വിക്കറ്റ് നഷ്ടത്തിൽ 324 റൺസാണ് നേടിയത്.

രോഹന്‍ കുന്നുമ്മലും ഹനുമ വിഹാരിയും നേടിയ ശതകങ്ങളാണ് സൗത്ത് സോണിനെ മുന്നോട്ട് നയിച്ചത്. കുന്നുമ്മൽ 143 റൺസ് നേടി പുറത്തായപ്പോള്‍ ഹനുമ വിഹാരി 107 റൺസുമായി ക്രീസിലുണ്ട്.

രോഹുന്‍ കുന്നുമ്മൽ തന്റെ അഞ്ച് ഇന്നിംഗ്സുകളിൽ നിന്ന് 4 ശതകങ്ങളാണ് നേടിയിട്ടുള്ളത്. ഇതിന് മുമ്പുള്ള നാല് ഇന്നിംഗ്സുകളിൽ താരത്തിന്റെ സ്കോര്‍ 107, 129, 106*, 75 എന്നിങ്ങനെയായിരുന്നു.