ഐപിഎല്ലിൽ ചരിത്രം കുറിച്ച് റിയാൻ പരാഗ്; തുടർച്ചയായി 6 സിക്സറുകൾ!

കൊൽക്കത്ത നൈറ്റ് റൈഡേഴ്സിനെതിരായ ഇന്നത്തെ ഐപിഎൽ മത്സരത്തിൽ രാജസ്ഥാൻ റോയൽസ് ക്യാപ്റ്റൻ റിയാൻ പരാഗ് ചരിത്രമെഴുതി. തുടർച്ചയായ ആറ് സിക്സറുകൾ നേടി താരം റെക്കോർഡ് കുറിച്ചു.

മത്സരത്തിൻ്റെ പതിമൂന്നാം ഓവറിലായിരുന്നു പരാഗിൻ്റെ വെടിക്കെട്ട് പ്രകടനം. കെകെആർ ബൗളർ മൊയിൻ അലിയുടെ അവസാന അഞ്ച് പന്തുകളും പരാഗ് സിക്സറിലേക്ക് പറത്തി. തൊട്ടടുത്ത ഓവറിൽ വരുൺ ചക്രവർത്തി തനിക്ക് എറിഞ്ഞ ആദ്യ പന്തും സിക്സറിലേക്ക് പായിച്ച് താരം റെക്കോർഡ് നേട്ടം പൂർത്തിയാക്കി.

മുൻപ് യുവരാജ് സിംഗ് ഒരോവറിൽ ആറ് സിക്സറുകൾ നേടിയതിൻ്റെ ഓർമ്മപ്പെടുത്തൽ പോലെയായിരുന്നു പരാഗിൻ്റെ ഓരോ സിക്സറുകളും.