ഇന്ത്യയുടെ വിക്കറ്റ് കീപ്പർ ബാറ്റ്സ്മാൻ റിഷഭ് പന്ത് ബംഗ്ലാദേശിന് എതിരായ ഏകദിന പരമ്പരയിൽ കളിക്കില്ല. റിഷഭ് പന്തിനെ സ്ക്വാഡിൽ നിന്ന് റിലീസ് ചെയ്തതായി ബി സി സി ഐ ഇന്ന് അറിയിച്ചു. പന്ത് ഇന്നലെ ഇന്ത്യൻ ടീമിന്റെ മെഡിക്കൽ ടീമിനെ കണ്ടിരുന്നു. മെഡിക്കൽ ടീം ആണ് പന്തിനെ ഏകദിന പരമ്പരയിൽ നിന്ന് ഒഴിവാക്കാൻ നിർദ്ദേശം നൽകിയത്.
പന്തിന്റെ പരിക്ക് എന്താണെന്ന് ബി സി സി ഐ വ്യക്തമാക്കിയിട്ടില്ല. ബംഗ്ലാദേശിന് എതിരായ ടെസ്റ്റ് പരമ്പരയിൽ പന്ത് തിരികെയെത്തും. ഏകദിന പരമ്പരയിൽ പന്തിന് പകരം ആരെയും ഇന്ത്യ ടീമിലേക്ക് എടുക്കില്ല. 3 ഏകദിനങ്ങളാണ് ഇന്ത്യ ബംഗ്ലാദേശിൽ കളിക്കുന്നത്.
