സഞ്ജു സാംസണെ ടീമിൽ എടുത്തതിന്റെ കാരണം വ്യക്തമാക്കി സെലക്ടർ

- Advertisement -

ബംഗ്ലാദേശിനെതിരായ ടി20 പരമ്പരക്കുള ഇന്ത്യൻ ടീമിൽ സഞ്ജു സാംസണെ എടുത്തതിന്റെ കാരണം വ്യക്തമാക്കി മുഖ്യ സെലക്ടർ എം.എസ്.കെ പ്രസാദ്. പ്രാദേശിക ക്രിക്കറ്റിൽ സഞ്ജു സ്ഥിരമായി പുറത്തെടുത്ത മികച്ച പ്രകടനങ്ങളാണ് താരത്തെ ടീമിൽ എത്തിച്ചതെന്ന് എം.എസ്.കെ പ്രസാദ് പറഞ്ഞു. കുറച്ച വർഷങ്ങൾക്ക് മുൻപ് സഞ്ജുവിന് ബാറ്റിങ്ങിൽ സ്ഥിരത ഉണ്ടായിരുന്നില്ലെന്നും സെലക്ടർ പറഞ്ഞു.

എന്നാൽ സഞ്ജുവിനെ വിക്കറ്റ് കീപ്പറായിട്ടല്ല ഇന്ത്യൻ ടീമിൽ ഉൾപെടുത്തിയതെന്നും ഇന്ത്യൻ ടി20 ടീമിലെ വിക്കറ്റ് കീപ്പർ റിഷഭ് പന്ത് ആണെന്നും പ്രസാദ് പറഞ്ഞു. വിജയ് ഹസാരെ ട്രോഫിയിലും എ സീരീസിലും മികച്ച പ്രകടനം പുറത്തെടുത്തതാണ് സഞ്ജുവിന് ഇന്ത്യൻ ടീമിൽ സ്ഥാനം നേടി കൊടുത്തതെന്നും പ്രസാദ് വ്യക്തമാക്കി.

വിജയ ഹസാരെ ട്രോഫിയിൽ ഡബിൾ സെഞ്ചുറി നേടിയ സഞ്ജു റെക്കോർഡ് ഇട്ടിരുന്നു.  129 പന്തിൽ പുറത്താവാതെ 212 റൺസ് നേടിയ സഞ്ജു ലിസ്റ്റ് എ ഏകദിന ക്രിക്കറ്റിൽ ഏറ്റവും വലിയ റൺസ് നേടിയ താരമായിരുന്നു. നവംബർ 11ന് തുടങ്ങുന്ന ബംഗ്ളദേശ് പരമ്പരയിൽ മൂന്ന് ടി20 മത്സരങ്ങളും 2 ടെസ്റ്റുകളുമാണ് ഉള്ളത്.

Advertisement