ഏഷ്യ കപ്പില്‍ നിന്ന് മടങ്ങിയെത്തിയ അഫ്ഗാനിസ്ഥാന്‍ താരം റഷീദ് ഖാന്‍ രാജ്യത്തെ ഇലക്ട്രോണിക് ഐഡി കാര്‍ഡിനായി അപേക്ഷ സമര്‍പ്പിച്ചു. അന്താരാഷ്ട്ര പരമ്പരകളും ഫ്രാഞ്ചൈസി ക്രിക്കറ്റും മറ്റു തിരക്കുകളും കാരണം റഷീദ് ഇതുവരെ ഈ കാര്‍ഡ് സ്വന്തമാക്കിയിരുന്നില്ല. നിലവില്‍ ടി20യില്‍ ഒന്നാം റാങ്കുകാരനും ഓള്‍റൗണ്ടര്‍മാരുടെ റാങ്കിംഗില്‍ ഷാക്കിബില്‍ നിന്ന് കഴിഞ്ഞ ദിവസം ഒന്നാം റാങ്ക് സ്വന്തമാക്കി ക്രിക്കറ്റില്‍ തന്റെ പ്രഭാവം ഉറപ്പിച്ച താരമാണ് റഷീദ് ഖാന്‍.
ഏഷ്യ കപ്പില്‍ ബാറ്റ് കൊണ്ടും ബോള്‍ കൊണ്ടും റഷീദ് ഖാന്‍ മികവ് പുലര്‍ത്തിയെങ്കിലും അഫ്ഗാനിസ്ഥാനു ഫൈനലിലേക്ക് യോഗ്യത നേടാനായിരുന്നില്ല.
