രാജസ്ഥാനും കേരളവും തമ്മിലുള്ള രഞ്ജി ട്രോഫി മത്സരത്തിൽ കേരളത്തിന് 2 വിക്കറ്റ് മാത്രം കൈവശമുള്ളപ്പോള് രാജസ്ഥാന്റെ സ്കോറായ 337 റൺസിനൊപ്പം എത്തുവാന് ഇനിയും 69 റൺസ് കൂടി വേണം കേരളത്തിന്. രണ്ടാം ദിവസം അവസാനിക്കുമ്പോള് കേരളം 268/8 എന്ന നിലയിലാണ്.
സച്ചിന് ബേബി പുറത്താകാതെ 109 റൺസുമായി നിൽക്കുമ്പോള് 82 റൺസ് നേടിയ സഞ്ജു സാംസൺ ആണ് മറ്റൊരു പ്രധാന സ്കോറര്. ജലജ് സക്സേന(21) റൺസുമായി ചെറുത്ത്നില്പ് നടത്തി നോക്കി.
145 റൺസ് നാലാം വിക്കറ്റിൽ നേടിയ സഞ്ജു – സച്ചിന് കൂട്ടുകെട്ട് മാത്രമാണ് കേരളത്തിനായി തിളങ്ങിയത്. രാജസ്ഥാന് വേണ്ടി അനികേത് ചൗധരിയും മാനവ് സുതറും മൂന്ന് വീതം വിക്കറ്റ് നേടി.
