ഗുവാഹത്തിയിൽ നടക്കുന്ന രഞ്ജി ട്രോഫി പോരാട്ടത്തിൽ കേരളത്തിന് മികച്ച തുടക്കം. ആസാമിനെ നേരിടുന്ന കേരളം ആദ്യം ബാറ്റു ചെയ്ത് ഇപ്പോൾ ആദ്യ ദിവസം പിരിയുമ്പോൾ 141-1 എന്ന നിലയിലാണ്. ഇന്ന് പ്രതികൂല കാലാവസ്ഥ ആയതിനാൽ ടോസ് ഏറെ വൈകിയിരുന്നു. ഓപ്പണർമാരായ രോഹൻ കുന്നുമ്മലും കൃഷ്ണ പ്രസാദും കേരളത്തിന് നല്ല തുടക്കം നൽകി.
രോഹൻ 95 പന്തിൽ നിന്ന് 83 റൺസ് എടുത്തു. 11 ഫോർ അടങ്ങിയതാണ് രോഹന്റെ ഇന്നിംഗ്സ്. സിദ്ദാർത്തിന്റെ പന്തിൽ ആണ് രോഹൻ ഔട്ടായത്. 52 റൺസുമായി കൃഷ്ണപ്രസാദും 4 റണ്ണുമായി രോഹൻ പ്രേമും ക്രീസിൽ ഉണ്ട്.
