രഞ്ജി ട്രോഫിയിൽ കേരളത്തിന് തകർപ്പൻ വിജയം. ഉത്തർപ്രദേശിനെ രണ്ടാം ഇന്നിംഗ്സിൽ 116 റൺസിന് എറിഞ്ഞിട്ടാണ് കേരളം വിജയം ഉറപ്പിച്ചത്. ഇന്നിംഗ്സിനും 117 റൺസിനാണ് കേരളത്തിന്റെ വിജയം. മൂന്ന് മത്സരങ്ങളിൽ കേരളം 2 എണ്ണം വിജയിക്കുകയും ഒരു സമനിലയും നേടി പോയിന്റ് ടേബിളിൽ മുകളിൽ എത്തിയിരിക്കുകയാണ്.
രണ്ടാം ഇന്നിംഗ്സിൽ കേരളത്തിനായി ജലജ് സക്സേന 6 വിക്കറ്റുകൾ വീഴ്ത്തി. ആദ്യ ഇന്നിംഗ്സിൽ സക്സേന 5 വിക്കറ്റും വീഴ്ത്തിയിരുന്നു. സർവത്രെ 3 വിക്കറ്റും ആസിഫ് 1 വിക്കറ്റും രണ്ടാം ഇന്നിംഗ്സിൽ വീഴ്ത്തി. 36 റൺസ് എടുത്ത മാധവ് കൗശിക് മാത്രമാണ് ഉത്തർപ്രദേശിനായി തിളങ്ങിയത്.
ആദ്യ ഇന്നിംഗ്സിൽ ഉത്തർപ്രദേശ് 162ന് ഓളൗട്ട് ആയിരുന്നു. കേരളം സച്ചിൻ ബേബിയുടെയും സൽമാൻ നിസാറിന്റെയും മികവിൽ 395 റൺസും നേടി.
