രഞ്ജി ട്രോഫി: ക്വാ‍‍ർട്ടർ മുതലുള്ള മത്സരങ്ങള്‍ ബെംഗളൂരുവിലെന്ന് സൂചന

രഞ്ജി ട്രോഫിയുടെ നോക്ക്ഔട്ട് ഘട്ട മത്സരങ്ങള്‍ ബെംഗളൂരുവിൽ നടത്തുമെന്ന് സൂചന. ജൂണിൽ ബെംഗളൂരുവിലെ കാലാവസ്ഥ പരിഗണിച്ചാണ് ഈ തീരുമാനം എന്നാണ് അറിയുന്നത്.

നാല് ക്വാര്‍ട്ടര്‍ ഫൈനലുകള്‍, രണ്ട് സെമി, ഫൈനൽ എന്നിവ മേയ് 30 മുതൽ ജൂൺ 26 വരെയാണ് നടത്തുവാന്‍ ബിസിസിഐ ഉദ്ദേശിക്കുന്നത്. ജൂലൈ 1 മുതൽ മാത്രമാവും മൺസൂൺ ബെംഗളൂരുവിലെത്തുക എന്ന കണക്ക് കൂട്ടലിലാണ് ഈ തീരുമാനം.