നിലവിലെ സാഹചര്യത്തിൽ ഇന്ത്യയുമായി പരമ്പര കളിക്കുക അസാധ്യം: റമീസ് രാജ

Ramizraja

നിലവിലെ സാഹചര്യത്തിൽ ഇന്ത്യയുമായി ക്രിക്കറ്റ് പരമ്പര കളിക്കുക അസാധ്യമെന്ന് പാകിസ്ഥാൻ ക്രിക്കറ്റ് ബോർഡ് ചെയർമാനായി തിരഞ്ഞെടുക്കപ്പെട്ട റമീസ് രാജ. കഴിഞ്ഞ ദിവസമാണ് പാകിസ്ഥാൻ ക്രിക്കറ്റ് ബോർഡ് ചെയർമാനായി റമീസ് രാജ എതിരില്ലാതെ തിരഞ്ഞെടുക്കപ്പെട്ടത്. നിലവിലെ സാഹചര്യത്തിൽ ഇന്ത്യയുമായി പരമ്പര നടത്തുന്നതിന് മുൻപ് പ്രാദേശികമായി ഒരുപാട് കാര്യങ്ങൾ ചെയ്യാൻ ഉണ്ടെന്നും റമീസ് രാജ പറഞ്ഞു.

രാഷ്ട്രീയപരമായ കാരണങ്ങളാൽ ഐ.സി.സി ടൂർണമെന്റുകൾക്ക് പുറമെ ഇന്ത്യയും പാകിസ്ഥാനും തമ്മിൽ പരമ്പര നടത്താറില്ല. അതെ സമയം ടി20 ലോകകപ്പിലെ ആദ്യ മത്സരത്തിൽ ഒക്ടോബർ 24ന് ഇന്ത്യയും പാകിസ്ഥാനും ഏറ്റുമുട്ടും. ഇന്ത്യയും പാകിസ്ഥാനും ലോകകപ്പിൽ ഏറ്റുമുട്ടുമ്പോൾ ഇത്തവണ ഇന്ത്യയെ തോൽപ്പിക്കണമെന്ന് താൻ താരങ്ങളോട് ആവശ്യപെട്ടിട്ടുണ്ടെന്നും റമീസ് രാജ പറഞ്ഞു.

Previous article“പാകിസ്താന്റെ ക്ഷണം നിരസിക്കാൻ ആകുമായിരുന്നില്ല”
Next articleഹക്കു ഡ്യൂറണ്ട് കപ്പിൽ ഇനി കളിക്കില്ല, സഹൽ പരിക്ക് മാറി തിരികെ വരുന്നു