രണ്ടാം ദിവസം മഴ വില്ലനായി എത്തി, എറിയാനായത് 42.3 ഓവറുകള്‍ മാത്രം

സെയിന്റ് ലൂസിയ ടെസ്റ്റിന്റെ രണ്ടാം ദിവസം കളിയുടെ ഭൂരിഭാഗവും തടസ്സപ്പെടുത്തി മഴ. ആദ്യ സെഷനു ശേഷം എത്തിയ മഴ പല സമയങ്ങളിലായി തടസ്സമായി എത്തിയപ്പോള്‍ ശ്രീലങ്കയുടെ 253 റണ്‍സ് ഒന്നാം ഇന്നിംഗ്സ് സ്കോര്‍ മറികടക്കുവാനുള്ള ശ്രമവുമായി എത്തിയ വിന്‍ഡീസ് 118/2 എന്ന നിലയിലാണ്. ഡെവണ്‍ സ്മിത്ത് 53 റണ്‍സുമായി പുറത്താകാതെ നില്‍ക്കുമ്പോള്‍ ക്രെയിഗ് ബ്രാത്‍വൈറ്റ്(22), കീറണ്‍ പവല്‍(27) എന്നിവരെയാണ് ആതിഥേയര്‍ക്ക് നഷ്ടമായത്. രണ്ടാം ദിവസം വെറും 42.3 ഓവറുകള്‍ മാത്രമാണ് എറിയാനായത്. ഷായി ഹോപ് 2 റണ്‍സുമായി ക്രീസില്‍ ഡെവണ്‍ സ്മിത്തിനു പിന്തുണയുമായി എത്തിയത്.

ലഞ്ചിനു തൊട്ടുമുമ്പും രണ്ടാം ദിവസത്തെ കളി അവസാനിക്കുന്നതിനു തൊട്ടുമുമ്പുമാണ് വിന്‍ഡീസിനു ദിവസത്തെ രണ്ട് വിക്കറ്റുകള്‍ നഷ്ടമായത്. ലഹിരു കുമരയും കസുന്‍ രജിതയ്ക്കും ഓരോ വിക്കറ്റ് ലഭിച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleപെറുവിന്റെ ആക്രമണം തടുക്കാൻ ഡെന്മാർക്കിനാവുമോ ?
Next articleബില്ലി സ്റ്റാന്‍ലേക്ക് രണ്ടാം ഏകദിനത്തിലുണ്ടാവാന്‍ സാധ്യതയില്ല