സിംബാബ്‍വേയ്ക്കെതിരെയുള്ള ആദ്യ ടി20യില്‍ കൂറ്റന്‍ സ്കോര്‍ നേടി അഫ്ഗാനിസ്ഥാന്. ഓപ്പണര്‍ റഹ്മാനുള്ള ഗുര്‍ബാസിന്റെ സിക്സടിയില്‍ സിംബാബ്‍വേ ബൗളര്‍മാര്‍ ചൂളുന്ന കാഴ്ചയാണ് അബു ദാബിയില്‍ കണ്ടത്. ആദ്യം ബാറ്റ് ചെയ്ത് അഫ്ഗാനിസ്ഥാന് 5 വിക്കറ്റ് നഷ്ടത്തില്‍ 198 റണ്‍സാണ് നേടിയത്. ഗുര്‍ബാസ് 45 പന്തില്‍ നിന്ന് 87 റണ്‍സാണ് നേടിയത്. 6 ഫോറും 7 സിക്സുമാണ് താരം നേടിയത്.
അസ്ഗര്‍ അഫ്ഗാന്‍ 38 പന്തില്‍ 55 റണ്‍സും കരിം ജനത്(26) റണ്‍സ് നേടി. സിംബാബ്‍വേ നിരയില്‍ റിച്ചാര്‍ഡ് നഗവാരയ്ക്കും ബ്ലെസ്സിംഗ് മുസറബാനിയ്ക്കും രണ്ട് വിക്കറ്റ് ലഭിച്ചു.
