ദക്ഷിണാഫ്രിക്കയില്‍ നിന്ന് മാത്രം 2000 ഏകദിന റണ്‍സ് തികച്ച് ക്വിന്റണ്‍ ഡി കോക്ക്, വേഗതയില്‍ ഡെസ്മണ്ട് ഹെയിന്‍സിനു പിന്നില്‍ രണ്ടാമത്

- Advertisement -

ഏകദിനത്തില്‍ ഒരു രാജ്യത്ത് കളിച്ച് 2000 റണ്‍സ് പൂര്‍ത്തിയാക്കി ക്വിന്റണ്‍ ഡികോക്ക്. ഇന്ന് ശ്രീലങ്കയ്ക്കെതിരെ രണ്ടാം ഏകദിനത്തില്‍ തന്റെ അര്‍ദ്ധ ശതകം പൂര്‍ത്തിയാക്കി മുന്നേറുന്നതിനിടയിലാണ് ഈ നേട്ടം ഡികോക്ക് സ്വന്തമാക്കിയത്. വിന്‍ഡീസിന്റെ ഡെസ്മണ്ട് ഹെയിന്‍സ് വിന്‍ഡീസില്‍ 36 ഏകദിനത്തില്‍ നിന്ന് രണ്ടായിരം റണ്‍സ് പൂര്‍ത്തിയാക്കിയപ്പോള്‍ 37 ഇന്നിംഗ്സില്‍ നിന്ന് ഈ നേട്ടം സ്വന്തമാക്കി ഡികോക്ക് രണ്ടാം സ്ഥാനത്തെത്തുകയായിരുന്നു.

ഹാഷിം അംല 38 ഇന്നിംഗ്സുകളിലും വിവ് റിച്ചാര്‍ഡ്സും രോഹിത് ശര്‍മ്മയും 42 ഇന്നിംഗ്സുകളില്‍ നിന്നും ഈ നേട്ടം കരസ്ഥമാക്കിയ താരങ്ങളാണ്. അംലയും രോഹിതും തങ്ങളുടെ രാജ്യമായ ദക്ഷിണാഫ്രിക്കയിലും ഇന്ത്യയിലും ആണ് ഈ നേട്ടം സ്വന്തമാക്കിയതെങ്കില്‍ വിവ് റിച്ചാര്‍ഡ്സ് ഓസ്ട്രേലിയന്‍ മണ്ണിലാണ് നിന്നാണ് ഈ നേട്ടം തികച്ചത്.

Advertisement