വാട്സണും റോയിയും ഒത്തു പോകാന്‍ ഏറെ ബുദ്ധിമുട്ടിയിരുന്നു – നദീം ഒമര്‍

- Advertisement -

പാക്കിസ്ഥാന്‍ സൂപ്പര്‍ ലീഗില്‍ ക്വേറ്റ ഗ്ലാഡിയേറ്റേഴ്സിന് വേണ്ടി കളിക്കുമ്പോള്‍ ഒത്തു പോകുവാന്‍ ഷെയിന്‍ വാട്സണും ജേസണ്‍ റോയിയും ഏറെ ബുദ്ധിമുട്ടിയിരുന്നുവെന്ന് ടീം ഉടമ നദീം ഒമര്‍. ഇരുവരും പരസ്പര സഹകരണത്തോടെയല്ല കളിച്ചതെന്നാണ് തനിക്ക് തോന്നിയതെന്ന് നദീം പറഞ്ഞു. റോയിയ്ക്ക് പന്ത് മിഡില്‍ ചെയ്യുവാന്‍ ബുദ്ധിമുട്ടുണ്ടായിരുന്നുവെന്ന് താരം തന്നെ വ്യക്തമാക്കിയിരുന്നുവെന്നും നദീം വ്യക്തമാക്കി.

ടോപ് ഓര്‍ഡറില്‍ പരസ്പരം സഹകരിക്കുവാന്‍ വാട്സണും റോയിയും ബുദ്ധിമുട്ടി. തനിക്ക് തോന്നിയത് ഇരുവരുടെയും കേളി ശൈലിയുടെ പ്രശ്നമായിരുന്നു അതെന്നാണ്. വാട്സണ്‍ വലിയ ഷോട്ടുകള്‍ക്ക് താല്പര്യപ്പെട്ടപ്പോള്‍ വിക്കറ്റിനിടയിലെ ഓട്ടത്തിനാണ് റോയി പ്രാമുഖ്യം കൊടുത്തതെന്ന് നദീം പറഞ്ഞു.

ഇരുവരോടും ബാറ്റിംഗ് ഓര്‍ഡറില്‍ താഴോട്ട് വരുവാന്‍ ആവശ്യപ്പെട്ടപ്പോള്‍ അവര്‍ ഓരോ കാരണം പറഞ്ഞ് അതില്‍ വിമുഖത കാണിച്ചുവെന്നും ഒമര്‍ പറഞ്ഞു. നിലവിലെ ചാമ്പ്യന്മാരായിരുന്നു ക്വേറ്റ ഗ്ലാഡിയേറ്റേഴ്സിന് ഇത്തവണ അവസാന നാല് സ്ഥാനത്തില്‍ എത്തുവാന്‍ സാധിച്ചിരുന്നില്ല.

ടൂര്‍ണ്ണമെന്റില്‍ 120 റണ്‍സ് സ്ട്രൈക്ക് റേറ്റോടെ ജേസണ്‍ റോയ് എ്ടട് ഇന്നിംഗ്സില്‍ നിന്ന് 233 റണ്‍സാണ് ക്വേറ്റയ്ക്ക് വേണ്ടി നേടിയത്.

Advertisement