കോവിഡ് പ്രൊട്ടോക്കോൾ ലംഘിച്ചാൽ നാല് മത്സരങ്ങളിൽ നിന്ന് വിലക്കോ നൂറ് ശതമാനം മാച്ച് ഫീസോ പിഴ, പാക്കിസ്ഥാൻ സൂപ്പർ ലീഗിൽ കടുത്ത നിയന്ത്രണം

Psl

ജൂണിൽ വീണ്ടും ആരംഭിക്കുന്ന പാക്കിസ്ഥാൻ സൂപ്പർ ലീഗിൽ കോവിഡ് മാനദണ്ഡങ്ങൾ ലംഘിക്കുന്നവർക്ക് കടുത്ത നിയന്ത്രണങ്ങൾ ഏർപ്പെടുത്തി ബോർഡ്. യുഎഇയിൽ പുനരാരംഭിക്കുന്ന ടൂർണ്ണമെന്റിൽ കോവിഡ് പ്രൊട്ടോക്കോൾ ലംഘനം നടത്തുന്ന താരങ്ങൾക്ക് നാല് മത്സരങ്ങളിൽ വിലക്കോ 100 ശതമാനം മാച്ച് ഫീസ് പിഴയോ ഈടാക്കാനാണ് തീരുമാനം.

അബു ദാബിയിലാണ് മത്സരങ്ങൾ നടക്കുക. കറാച്ചിയിൽ ഫെബ്രുവരിയിൽ ആരംഭിച്ച പിഎസ്എൽ ബയോ ബബിളിനുള്ളിൽ കോവിഡ് വ്യാപിച്ചതിനാലാണ് നിർത്തിവെച്ചത്. താരങ്ങൾക്കും ഒഫീഷ്യലുകൾക്കും ടീമംഗങ്ങൾക്കുമെല്ലാം ഈ നിയമം ബാധകമാണ്. ബയോ ബബിൾ ലംഘനങ്ങളെ മൂന്ന് തലത്തിലാണ് ഇപ്പോൾ നിശ്ചയിച്ചിരിക്കുന്നത്. മാസ്ക് ധരിക്കാത്തത്, കൈ സാനിറ്റൈസ് ചെയ്യാത്തത് എല്ലാം മൈനർ ബ്രീച്ചായും കോവിഡ് ലക്ഷണങ്ങൾ പങ്കുവെക്കാത്തതും ആർടിപിസിആർ ടെസ്റ്റിൽ കൃത്രിമം കാണിക്കുന്നതും മേജർ ബ്രീച്ചിൽ പെടും.

Previous articleകോവിഡ് അല്ല കാലവർഷം കാരണമാണ് ഐപിഎൽ ഇന്ത്യയിൽ നിന്ന് മാറ്റിയത് – ജയ് ഷാ
Next articleവസീം അക്രം തന്നെ ബുദ്ധിമുട്ടിക്കുവാൻ സാധ്യതയുള്ള ബൌളർ ആകുമായിരുന്നു