ബംഗ്ലാദേശ് താരങ്ങളായ തമീം ഇക്ബാല്‍, മഹമ്മദുള്ള എന്നിവര്‍ക്ക് പാക്കിസ്ഥാന്‍ പ്രീമിയര്‍ ലീഗില്‍ കളിക്കുവാനുള്ള അനുമതി നല്‍കുമെന്ന് അറിയിച്ച് ബംഗ്ലാദേശ് ക്രിക്കറ്റ് ബോര്‍ഡ്. തങ്ങളുടെ ആഭ്യന്തര ലീഗിന്റെ തീയ്യതികളുമായി പിഎസ്എലിന്റെ തീയ്യതികള്‍ പ്രശ്നമുണ്ടാക്കാതത്തിനാലാണ് അനുമതി നല്‍കുന്നതെന്ന് ബോര്‍ഡ് വ്യക്തമാക്കി.
ക്രിസ് ലിന്നിന് പകരം തമീം ഇക്ബാലിനെ ലാഹോര്‍ ഖലന്തേഴ്സ് സ്വന്തമാക്കിയപ്പോള്‍ മോയിന്‍ അലിയ്ക്ക് പകരം മുള്‍ത്താന്‍ സുല്‍ത്താന്‍സ് മഹമ്മുള്ളയെ സ്വന്തമാക്കി. നേരത്തെ ലങ്ക പ്രീമിയര്‍ ലീഗില്‍ പങ്കെടുക്കുവാന്‍ ബംഗ്ലാദേശ് താരങ്ങള്‍ക്ക് ബോര്‍ഡ് അനുമതി നല്‍കിയിരുന്നില്ല.
