മുൽത്താന്‍ സുൽത്താന്‍സിന് പുതിയ ബൗളിംഗ് കോച്ച്. ഓട്ടിസ് ഗിബ്സണിന് പകരം മുൻ ഇംഗ്ലണ്ട് ഫാസ്റ്റ് ബൗളര്‍ അജ്മൽ ഷഹ്സാദ് ആണ് ബൗളിംഗ് കോച്ചായി എത്തുന്നത്. യോര്‍ക്ക്ഷയറിന്റെ ഹെഡ് കോച്ചായതിനാൽ ഓട്ടിസ് ഗിബ്സണിന് കൗണ്ടി ദൗത്യം ഉള്ളതിനാലാണ് പാക്കിസ്ഥാന്‍ സൂപ്പര്‍ ലീഗിൽ നിന്ന് പിന്മാറുന്നത്.
മുമ്പ് മുൽത്താന്റെ സഹ പരിശീലകനായി പ്രവര്‍ത്തിച്ചിട്ടുള്ളയാളാണ് അജ്മൽ. നിലവിൽ ഡര്‍ബിഷയറിന്റെ ബൗളിംഗ് കോച്ചാണ് അജ്മൽ. അസ്ഹര്‍ മഹമ്മൂദ് ആണ് സുൽത്താന്‍സിന്റെ മുഖ്യ കോച്ച്.
നിലവിലെ റണ്ണേഴ്സപ്പുകളായ മുൽത്താന്‍ കഴിഞ്ഞ തവണ പോയിന്റ് പട്ടികയിലെ ഒന്നാം സ്ഥാനക്കാരായിരുന്നു.
