അടുത്ത ഏതാനും വര്‍ഷം കൂടി ഐപിഎലില്‍ താന്‍ കളിക്കുമെന്ന് അറിയിച്ച് എബി ഡി വില്ലിയേഴ്സ്. കഴിഞ്ഞ മേയ് മാസം ദക്ഷിണാഫ്രിക്കന്‍ ദേശീയ ടീമില്‍ നിന്ന് വിരമിക്കല്‍ പ്രഖ്യാപിച്ച് ഡി വില്ലിയേഴ്സ് ആഭ്യന്തര ക്രിക്കറ്റില്‍ ടൈറ്റന്‍സിനായി കളിക്കുമെന്ന് അറിയിച്ചിരുന്നു. അതിനോടൊപ്പം ഐപിഎലിലും വരുന്ന ഏതാനും വര്‍ഷം കളിക്കുകയെന്നാണ് തന്റെ ലക്ഷ്യമെന്നും താരം അറിയിച്ചു.
ലോകത്തിന്റെ പല ഭാഗത്തു നിന്നും പലതരം അവസരങ്ങള്‍ തനിക്ക് വരുന്നുണ്ടെന്ന് പറഞ്ഞ എബിഡി ബാംഗ്ലൂരിനു പ്രത്യേക സ്ഥാനമുള്ളതു കൊണ്ട് ഐപിഎലില്‍ അവിടെ തുടരാനാണ് തീരുമാനമെന്നും അറിയിച്ചു. താന്‍ നൂറാം ടെസ്റ്റ് കളിച്ചത് ബാംഗ്ലൂരാണ്. അവിടം തനിക്ക് രണ്ടാം ഗൃഹം പോലെയാണെന്നും എബിഡി പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
