അഞ്ചാം ആഷസ് ടെസ്റ്റിന് ഇടയിൽ പരിക്കേറ്റ ഓസ്ട്രേലിയൻ നായകൻ പാറ്റ് കമ്മിൻസിന് അടുത്ത മാസം ഇന്ത്യയ്‌ക്കെതിരായ മൂന്ന് മത്സരങ്ങളുടെ ഏകദിന പരമ്പര നഷ്ടമായേക്കും. സെപ്റ്റംബർ 22ന് ആണ് ഇന്ത്യക്ക് എതിരായ ഏകദിന പരമ്പര ആരംഭിക്കുന്നത്.
കഴിഞ്ഞയാഴ്ച ഓവലിൽ നടന്ന അവസാന ആഷസ് ടെസ്റ്റിന്റെ ആദ്യ ദിനത്തിൽ ആയിരുന്നു ഓസ്ട്രേലിയൻ പേസർക്ക് പരിക്കേറ്റത്. എന്നിട്ടും പരുക്ക് കമ്മിൻസ് ബൗളിംഗ് തുടർന്നു. പരിക്ക് സാരമുള്ളതല്ല എങ്കിലും രണ്ട് മാസത്തിനുള്ളിൽ ആറ് ടെസ്റ്റുകൾ കളിച്ച കമ്മിൻസിന് വിശ്രമം നൽകാൻ ആണ് സാധ്യത. കമ്മിൻസിന്റെ അഭാവത്തിൽ മിച്ചൽ മാർഷ് ഓസ്ട്രേലിയയെ നയിക്കുമെന്ന് പ്രതീക്ഷിക്കുന്നു.
