ദക്ഷിണാഫ്രിക്ക എ യ്ക്കെതിരെ ചതുര്‍ദിന മത്സരത്തിലെ മൂന്നാം ദിവസം അവസാനിക്കുമ്പോള്‍ ഇന്ത്യ 308/4 എന്ന നിലയിൽ. ഇന്ന് 142 റൺസ് രണ്ടാം വിക്കറ്റ് കൂട്ടുകെട്ടിന് ശേഷം പ്രിയാംഗ് പഞ്ചൽ പുറത്താകുമ്പോള്‍ താരത്തിന് ശതകം 4 റൺസ് അകലെ നഷ്ടമാകുകയായിരുന്നു.
അതേ സമയം അഭിമന്യു ഈശ്വന്‍ തന്റെ ശതകം പൂര്‍ത്തിയാക്കി. 103 റൺസാണ് താരം നേടിയത്. ഹനുമ വിഹാരിയുടെ(25) വിക്കറ്റാണ് ഇന്ത്യയ്ക്ക് നഷ്ടമായ നാലാമത്തെ വിക്കറ്റ്.
19 റൺസുമായി ബാബ അപരാജിതും 5 റൺസ് നേടി ഉപേന്ദ്ര യാദവും ആണ് ക്രീസിലുള്ളത്. ദക്ഷിണാഫ്രിക്കയ്ക്കായി ലുഥോ സിപാംലയും ജോര്‍ജ്ജ് ലിന്‍ഡേയും രണ്ട് വീതം വിക്കറ്റ് നേടി.
