വിന്‍ഡീസിനെതിരെയുള്ള ജമൈക്കയിലെ ആദ്യ ടെസ്റ്റിൽ പാക്കിസ്ഥാന് തുടക്കത്തിൽ തന്നെ രണ്ട് വിക്കറ്റ് നഷ്ടം. ആദ്യ സെഷനില്‍ 17 ഓവര്‍ മാത്രം എറിഞ്ഞപ്പോള്‍ മഴ രസം കൊല്ലിയായി എത്തുമ്പോള്‍ പാക്കിസ്ഥാന് 34/2 എന്ന നിലയിലായിരുന്നു.
ഇമ്രാന്‍ ബട്ട്(11), ആബിദ് അലി(9) എന്നിവരുടെ വിക്കറ്റാണ് പാക്കിസ്ഥാന് നഷ്ടമായത്. 10 റൺസുമായി ബാബര്‍ അസമും 3 റൺസ് നേടിയ അസ്ഹര്‍ അലിയുമാണ് ക്രീസിലുള്ളത്. കെമര്‍ റോച്ച്, ജെയ്ഡന്‍ സീൽസ് എന്നിവര്‍ക്കാണ് വിക്കറ്റ്.
മഴ തടസ്സം സൃഷ്ടിച്ചതിനാൽ തന്നെ ആദ്യ ദിവസത്തെ ലഞ്ച് നേരത്തെ ആക്കുകയായിരുന്നു.
