ഓസ്ട്രേലിയയ്ക്കെതിരെയുള്ള രണ്ട് ടെസ്റ്റ് മത്സരങ്ങള്‍ക്കായുള്ള പാക്കിസ്ഥാന്‍ ടെസ്റ്റ് ടീമിലേക്ക് മുഹമ്മദ് ഹഫീസിനെ ഉള്‍പ്പെടുത്തി. നേരത്തെ പ്രഖ്യാപിച്ച് പാക്കിസ്ഥാന്‍ സ്ക്വാഡില്‍ താരമില്ലായിരുന്നുവെങ്കിലും പാക്കിസ്ഥാന്‍ സെലക്ഷന്‍ കമ്മിറ്റിയും ടീം മാനേജ്മെന്റും ഈ തീരുമാനത്തിലെത്തിച്ചേരുകയായിരുന്നു. ലഭിയ്ക്കുന്ന ആദ്യ ഫ്ലൈറ്റില്‍ തന്നെ താരം പാക്കിസ്ഥാനില്‍ നിന്ന് ദുബായിയിലേക്ക് പറക്കുമെന്നാണ് അറിയുവാന്‍ കഴിയുന്നത്.
പാക്കിസ്ഥാന്‍ ടീമില്‍ അധികം ഇടംകൈയ്യന്‍ ബാറ്റ്സ്മാന്മാരായതിനാല്‍ വലംകൈയ്യന്‍ ബാറ്റ്സ്മാന്‍ കൂടിയായ മുഹമ്മദ് ഹഫീസിനെ ടീമില്‍ ഉള്‍പ്പെടുത്തുന്നത് ടീമിനു കൂടുതല്‍ സന്തുലിതാവസ്ഥ നല്‍കുമെന്നാണ് സെലക്ടര്‍മാരുടെ വാദം.
