ന്യൂസിലാണ്ട് പരമ്പരയ്ക്ക് മാറ്റങ്ങളില്ലാത്ത ടീം പ്രഖ്യാപിച്ച് പാക്കിസ്ഥാന്‍

Sports Correspondent

Download the Fanport app now!
Appstore Badge
Google Play Badge 1

ഓസ്ട്രേലിയയെ തകര്‍ത്ത അതെ ടീം ന്യൂസിലാണ്ടിനെതിരെയും പ്രഖ്യാപിച്ച് പാക്കിസ്ഥാന്‍. 3-0നു ടി20 പരമ്പര തൂത്തുവാരിയ അതേ 15 അംഗ സ്ക്വാഡിനെയാണ് പാക്കിസ്ഥാന്‍ പ്രഖ്യാപിച്ചത്. ഒക്ടോബര്‍ 31നാണ് പരമ്പരയിലെ ആദ്യം മത്സരം. കോച്ച് മിക്കി ആര്‍തര്‍, ക്യാപ്റ്റന്‍ സര്‍ഫ്രാസ് അഹമ്മദ് എന്നിവരോട് ചര്‍ച്ച ചെയ്ത ശേഷമാണ് സ്ക്വാഡ് മാറ്റേണ്ടതില്ലെന്ന തീരുമാനം പാക്കിസ്ഥാന്‍ സെലക്ഷന്‍ പാനല്‍ എടുത്തത്.

പരമ്പരയിലെ ആദ്യ മത്സരം അബുദായില്‍ നടക്കും. നബംര്‍ 2, 4 തീയ്യതികളില്‍ ദുബായിയില്‍ വെച്ചാണ് ശേഷിക്കുന്ന മത്സരങ്ങള്‍.

സ്ക്വാഡ്: മുഹമ്മദ് ഹഫീസ്, ഫകര്‍ സമന്‍, ബാബര്‍ അസം, ഷാഹിബ്സാദ ഫര്‍ഹാന്‍, ഷൊയ്ബ് മാലിക്, ആസിഫ് അലി, ഹുസൈന്‍ തലത്, സര്‍ഫ്രാസ് അഹമ്മദ്, ഷദബ് ഖാന്‍, ഷഹീന്‍ അഫ്രീദി, ഉസ്മാന്‍ ഖാന്‍ ഷിന്‍വാരി, ഹസന്‍ അലി, ഇമാദ് വസീം, വഖസ് മക്സൂദ്, ഫഹീം അഷ്റഫ്