ന്യൂസിലാണ്ടില്‍ ക്രിക്കറ്റ് പുനരാരംഭിക്കുവാനാകുമെന്ന് പ്രതീക്ഷ

- Advertisement -

ന്യൂസിലാണ്ടില്‍ ക്രിക്കറ്റ് ഉടനെ പുനരാരംഭിക്കുവാന്‍ ആകുമെന്നാണ് പ്രതീക്ഷയെന്ന് പറഞ്ഞ് ക്രിക്കറ്റ് ന്യൂസിലാണ്ട്. കൊറോണ തടയുന്നതില്‍ ഏറ്റവും അധികം വിജയം കണ്ട രാജ്യമാണ് ന്യൂസിലാണ്ട്. വരുന്ന സമ്മറില്‍ വെസ്റ്റിന്‍ഡീസ്, പാക്കിസ്ഥാന്‍, ഓസ്ട്രേലിയ, ബംഗ്ലാദേശ് എന്നീ ടീമുകളെ ആതിഥേയത്വം വഹിക്കേണ്ടവരാണ് ന്യൂസിലാണ്ട്.

ഇംഗ്ലണ്ട് ബോര്‍ഡ് ചെയ്തത് പോലെ ബയോ ബബിളുകള്‍ സൃഷ്ടിക്കുവാന്‍ തങ്ങള്‍ക്കും ആകുമെന്നാണ് ന്യൂസിലാണ്ട് ക്രിക്കറ്റ് ചീഫ് ഡേവിഡ് വൈറ്റ് പറയുന്നത്. മേല്‍പ്പറഞ്ഞ മൂന്ന് രാജ്യങ്ങളുടെ ബോര്‍ഡുകളുമായി സംസാരിച്ച് കഴിഞ്ഞുവെന്നും അവര്‍ എല്ലാം ടൂറിനായി സമ്മതിച്ച് കഴിഞ്ഞിട്ടുണ്ടെന്നും വൈറ്റ് പറഞ്ഞു.

37 ദിവസത്തെ അന്താരാഷ്ട്ര ക്രിക്കറ്റാണ് ഈ കാലയളവില്‍ ഉണ്ടാകുകയെന്നും വൈറ്റ് പറഞ്ഞു. അടുത്തിടെയാണ് ന്യൂസിലാണ്ട് കൊറോണയില്ലാതെ നൂറ് ദിവസം എന്ന നേട്ടം കൈവരിച്ചത്.

Advertisement