ജനുവരിയിൽ ഇന്ത്യയിൽ നടക്കുന്ന ഏകദിന, ടി20 പരമ്പരകൾക്കുള്ള ടീമിനെ ന്യൂസിലാൻഡ് പ്രഖ്യാപിച്ചു. ദക്ഷിണാഫ്രിക്കൻ ടി20 ലീഗിലെ (SA20) കരാറുകൾ കാരണം മുൻ നായകൻ കെയ്ൻ വില്യംസൺ ടീമിലില്ല എന്നത് ആരാധകർക്ക് വലിയ നിരാശയാണ് നൽകുന്നത്. ഇതോടെ ഇന്ത്യ-ന്യൂസിലാൻഡ് പരമ്പരയിൽ വിരാട് കോഹ്ലി-വില്യംസൺ പോരാട്ടം കാണാനുള്ള അവസരം നഷ്ടമായി.
ഏകദിന ടീമിനെ മൈക്കൽ ബ്രേസ്വെല്ലും ടി20 ടീമിനെ മിച്ചൽ സാന്റ്നറുമാണ് നയിക്കുന്നത്. ആഭ്യന്തര ക്രിക്കറ്റിലെ മികച്ച പ്രകടനത്തിലൂടെ ഇടംകൈയ്യൻ സ്പിന്നർ ജെയ്ഡൻ ലെനോക്സ് ആദ്യമായി ദേശീയ ടീമിലേക്ക് തിരഞ്ഞെടുക്കപ്പെട്ടു. പരിക്കിൽ നിന്ന് മുക്തനായി കൈൽ ജാമിസൺ രണ്ട് ടീമുകളിലും തിരിച്ചെത്തിയിട്ടുണ്ട്. ഫെബ്രുവരിയിൽ നടക്കാനിരിക്കുന്ന ടി20 ലോകകപ്പിന് മുന്നോടിയായി ഇന്ത്യൻ സാഹചര്യങ്ങളുമായി പൊരുത്തപ്പെടാൻ ഈ പരമ്പര ടീമിനെ സഹായിക്കുമെന്ന് ന്യൂസിലാൻഡ് പരിശീലകൻ റോബ് വാൾട്ടർ പറഞ്ഞു.
NZ ODI Squad: Michael Bracewell (c), Adi Ashok, Kristian Clarke, Josh Clarkson, Devon Conway, Zak Foulkes, Mitch Hay, Kyle Jamieson, Nick Kelly, Jayden Lennox, Daryl Mitchell, Henry Nicholls, Glenn Phillips, Michael Rae, Will Young.
NZ T20I Squad: Mitchell Santner (c), Michael Bracewell, Mark Chapman, Devon Conway, Jacob Duffy, Zak Foulkes, Matt Henry, Kyle Jamieson, Bevon Jacobs, Daryl Mitchell, James Neesham, Glenn Phillips, Rachin Ravindra, Tim Robinson, Ish Sodhi.
