ഇന്ത്യയ്ക്കെതിരായ ട്വന്റി-20 പരമ്പരയ്ക്ക് മുന്നോടിയായി ന്യൂസിലൻഡ് ടീമിന് കനത്ത തിരിച്ചടി. ഇൻഡോറിൽ നടന്ന ഏകദിന മത്സരത്തിനിടെ ഇടതുകാലിന് പരിക്കേറ്റ സൂപ്പർ ഓൾറൗണ്ടർ മൈക്കൽ ബ്രേസ്വെല്ലിന് ആദ്യ മൂന്ന് മത്സരങ്ങൾ നഷ്ടമാകും. നാഗ്പൂരിൽ ആരംഭിക്കുന്ന പരമ്പരയിൽ നിന്ന് വിട്ടുനിൽക്കുന്ന ബ്രേസ്വെല്ലിന്റെ ശാരീരികക്ഷമത വരാനിരിക്കുന്ന ട്വന്റി-20 ലോകകപ്പിന്റെ പശ്ചാത്തലത്തിൽ മെഡിക്കൽ സംഘം സൂക്ഷ്മമായി നിരീക്ഷിച്ചു വരികയാണ്.
അദ്ദേഹത്തിന് പകരം യുവ ഓൾറൗണ്ടർ ക്രിസ്റ്റ്യൻ ക്ലർക്കിനെ ടീമിൽ ഉൾപ്പെടുത്തിയിട്ടുണ്ട്. ഇന്ത്യയ്ക്കെതിരായ ഏകദിന പരമ്പരയിൽ അരങ്ങേറ്റം കുറിച്ച ക്ലർക്ക് ഏഴ് വിക്കറ്റുകൾ വീഴ്ത്തി മികച്ച പ്രകടനം പുറത്തെടുത്തിരുന്നു.
ആഭ്യന്തര ട്വന്റി-20 മത്സരങ്ങളിൽ മികച്ച റെക്കോർഡുള്ള ക്ലർക്കിന്റെ സാന്നിധ്യം ടീമിന് ഗുണകരമാകുമെന്ന് പരിശീലകൻ റോബ് വാൾട്ടർ പറഞ്ഞു.
