കോഹ്‍ലിയുടെ ടി20 ടീമിലെ സ്ഥാനം ഒരിക്കലും ചോദ്യം ചെയ്യപ്പെട്ടിട്ടില്ല – രാഹുല്‍ ദ്രാവിഡ്

Viratkohli

വിരാട് കോഹ്‍ലിയുടെ ടി20 ടീമിലെ സ്ഥാനം കഴിഞ്ഞ വര്‍ഷം വരെ ചോദ്യചിഹ്നമായിരുന്നുവെന്ന ഒരു ജേര്‍ണലിസ്റ്റിന്റെ ചോദ്യത്തെ പാതിവഴിയിൽ തടഞ്ഞ് രാഹുല്‍ ദ്രാവിഡ്. ചോദ്യം പൂര്‍ത്തിയാക്കുന്നതിന് മുമ്പ് രാഹുല്‍ ദ്രാവിഡ് കോഹ്‍ലിയുടെ സ്ഥാനം ഒരിക്കലും ടീം മാനേജ്മെന്റ് ചോദ്യം ചെയ്തിട്ടില്ലെന്ന് പറയുകയായിരുന്നു.

കോഹ്‍ലി 2022ലെ ഐസിസി ടി20 ടീമിൽ ഇടം പിടിച്ചിട്ടു എന്ത് കൊണ്ട് ടി20യിൽ കളിക്കുന്നില്ലെന്ന ചോദ്യത്തിന് അത് കോഹ്‍ലിയുടെ തീരുമാനം ആണെന്നും വര്‍ക്ക് ലോഡ് മാനേജ്മെന്റിന്റെ ഭാഗമായുള്ള തീരുമാനം ആണെന്നും കൂട്ടിചേര്‍ത്തു.