ലോകകപ്പ് യോഗ്യത മത്സരങ്ങളിൽ നേപ്പാളിന് വിജയം. ഇന്ന് യുഎസ്എയ്ക്കെതിരെ 6 വിക്കറ്റ് വിജയം ആണ് ടീം നേടിയത്. ആദ്യം ബാറ്റ് ചെയ്ത യുഎസ്എ 49 ഓവറിൽ 207 റൺസിന് ഓള്‍ഔട്ട് ആയപ്പോള്‍ 43 ഓവറിൽ 4 വിക്കറ്റ് നഷ്ടത്തിൽ നേപ്പാള്‍ 211 റൺസാണ് നേടിയത്.
ഷയന്‍ ജഹാംഗീര്‍ 79 പന്തിൽ പുറത്താകാതെ 100 റൺസും സുഷാന്ത് മോദാനി 42 റൺസും നേടിയാണ് യുഎസ്എയ്ക്കായി തിളങ്ങിയത്. നേപ്പാളിനായി കരൺ കെസി നാലും ഗുൽസന്‍ ഷാ മൂന്ന് വിക്കറ്റും നേടിയാണ് യുഎസ്എയെ പ്രതിരോധത്തിലാക്കിയത്.
77 റൺസ് നേടിയ ഭിം ശാര്‍കി നേപ്പാളിന്റെ ടോപ് സ്കോറര്‍ ആയപ്പോള്‍ ദീപേന്ദ്ര സിംഗ് എയറി(39*), കുശൽ ഭുര്‍ട്ടൽ(39) എന്നിവര്‍ നേപ്പാളിന്റെ വിജയം 43 ഓവറിൽ സാധ്യമാക്കി.
