പരമ്പര വിജയകരമായി പൂര്‍ത്തീകരിക്കുമെന്ന് വിശ്വാസമുണ്ട്, ബയോ ബബിള്‍ സുരക്ഷ വര്‍ദ്ധിപ്പിക്കും

- Advertisement -

ശ്രീലങ്കന്‍ ടീമില്‍ കോവിഡ് ബാധ സ്ഥിരീകരിച്ചുവെങ്കിലും പിന്നീട് രണ്ട് താരങ്ങളുടെ ഫലം നെഗറ്റീവായതിനാല്‍ തന്നെ പരമ്പരയുമായി മുന്നോട്ട് പോകുവാന്‍ ഇരു രാജ്യങ്ങളും തീരുമാനിക്കുകയായിരുന്നു. ഇപ്പോള്‍ ബംഗ്ലാദേശ് ബോര്‍ഡ് പ്രസിഡന്റ് നസ്മുള്‍ ഹസന്‍ പറയുന്നത് പരമ്പര വിജയകരമായി പൂര്‍ത്തിയാക്കുവാന്‍ കഴിയുമെന്ന വിശ്വാസമാണ് ബോര്‍ഡിനുള്ളതെന്നാണ്.

ബയോ ബബിള്‍ സുരക്ഷ കൂടുതല്‍ ശക്തിപ്പെടുത്തുമെന്നും അതിനാല്‍ തന്നെ ആരും ഭയപ്പെടേണ്ടതില്ലെന്നുമാണ് നസ്മുള്‍ ഹസന്‍ വ്യക്തമാക്കിയത്. പ്രൊട്ടോക്കോള്‍ പ്രകാരമുള്ള പരിശോധനകള്‍ക്ക് ശേഷമാണ് പരമ്പരയിലെ ആദ്യ മത്സരവുമായി മുന്നോട്ട് പോയതെന്നും അദ്ദേഹം പറഞ്ഞു. ഷിരന്‍ ഫെര്‍ണാണ്ടോ നേരത്തെ കോവിഡില്‍ നിന്ന് മുക്തനായതാണെന്നും ആര്‍ടിപിസിആര്‍ പരിശോധനയില്‍ ഡെഡ് ആര്‍എന്‍എ കണ്ടത്തിയത് ആകാമെന്നും ചില വ്യക്തികളില്‍ അത് 28 ദിവസം വരെയും ഉണ്ടാകാമെന്ന് ഹസന്‍ വ്യക്തമാക്കി.

Advertisement