ഏത് സാഹചര്യത്തിലും വിജയിക്കാനാകുന്ന ടീമാണ് ഇന്ത്യയെന്നും ലോക ടെസ്റ്റ് ചാമ്പ്യന്‍ഷിപ്പ് ഫൈനലില്‍ ഓസ്ട്രേലിയയെ വീഴ്ത്തി ഇന്ത്യ ചാമ്പ്യന്മാരാകുമെന്ന് പറഞ്ഞ് നാസ്സര്‍ ഹുസൈന്‍. ഓസ്ട്രേലിയയിൽ ഇന്ത്യ ഏത് സാഹചര്യത്തിലും വിജയിക്കാനാകുമെന്ന് കാണിച്ചതാണെന്നും ഓവലിൽ സൂര്യന്റെ സാന്നിദ്ധ്യമുണ്ടെങ്കിൽ വിജയം ഇന്ത്യയ്ക്കായിരിക്കുമെന്നും ഹുസൈന്‍ വ്യക്തമാക്കി.
രണ്ട് സ്പിന്നര്‍മാര്‍, രണ്ട് പേസര്‍മാര്‍ എന്നിങ്ങനെ ബൗളിംഗ് നിരയെ അണിനിരത്തുന്ന ഇന്ത്യയ്ക്ക് ശര്‍ദ്ധുൽ താക്കൂറിനെ മൂന്നാം പേസറായും ഉപയോഗിക്കാവുന്നതാണ് എന്ന് ഹുസൈന്‍ പറഞ്ഞു. ഓവലിലെ സാഹചര്യങ്ങളിൽ മികച്ച ക്രിക്കറ്റ് കളിച്ചിട്ടുള്ള ടീമാണ് ഇന്ത്യയെന്നും നാസ്സര്‍ ഹുസൈന്‍ കൂട്ടിചേര്‍ത്തു.
