ബംഗ്ലാദേശ് സീനിയര് താരം മുഷ്ഫിക്കുര് റഹിം സിംബാബ്വേയ്ക്കെതിരെയുള്ള ടി20 പരമ്പരയിൽ നിന്ന് പിന്മാറി. എന്നാൽ താരം ടെസ്റ്റ് പരമ്പരയ്ക്കും ഏകദിന പരമ്പരയ്ക്കുമുണ്ടാകുമെന്ന് അറിയിച്ചിട്ടുണ്ട്. ബംഗ്ലാദേശ് മുഖ്യ സെലക്ടര് മിന്ഹാജുൽ അബേദിൻ ആണ് ഈ വിവരം സ്ഥിരീകരിച്ചത്. ഒരു അധിക ടി20 പരമ്പരയിൽ ഉള്പ്പെടുത്തുന്നതിനായി ഒരു ടെസ്റ്റ് മത്സരം കുറച്ചാണ് പരമ്പര തയ്യാറാക്കിയിരിക്കുന്നത്.
ജൂലൈ ഏഴിനാണ് പരമ്പര ആരംഭിക്കുക. ജൂൺ 29ന് സിംബാബ്വേയിലെത്തുന്ന ബംഗ്ലാദേശ് 5 മുതൽ ഏഴ് ദിവസം ക്വാറന്റീനിലിരിക്കേണ്ടതുണ്ട്. ജൂലൈ 3നും നാലിനും നടക്കാനിരിക്കുന്ന സന്നാഹ മത്സരങ്ങൾ ക്വാറന്റീൻ ദിനങ്ങളെ ആശ്രയിച്ചായിരിക്കുമെന്നാണ് ലഭിയ്ക്കുന്ന വിവരം.
