ഇന്ത്യയ്ക്കെതിരെ റാഞ്ചി ടെസ്റ്റില്‍ ദക്ഷിണാഫ്രിക്ക നീങ്ങുന്നത് വമ്പന്‍ തോല്‍വിയിലേക്ക്. ആദ്യ ഇന്നിംഗ്സില്‍ 162 റണ്‍സിന് പുറത്തായ ടീം രണ്ടാം ഇന്നിംഗ്സില്‍ ചായയ്ക്ക് പിരിയുമ്പോള്‍ 26/4 എന്ന നിലയിലാണ്. 309 റണ്‍സിന് പിന്നിലായുള്ള ദക്ഷിണാഫ്രിക്കയ്ക്ക് ഈ ടെസ്റ്റില്‍ തോല്‍വി ഒഴിവാക്കുക അസാധ്യമായി മാറിയിട്ടുണ്ട്. രണ്ടാം ഇന്നിംഗ്സില്‍ മുഹമ്മദ് ഷമിയാണ് ദക്ഷിണാഫ്രിക്കയ്ക്ക് ദുരന്തം വിതച്ചത്.
3 വിക്കറ്റ് ഷമി നേടിയപ്പോള്‍ ഉമേഷ് യാദവിന് ഒരു വിക്കറ്റ് ലഭിച്ചു. 16 റണ്‍സുമായി ഡീന്‍ എല്‍ഗാറും റണ്ണൊന്നുമെടുക്കാതെ ഹെയിന്‍റിച്ച് ക്ലാസ്സെനുമാണ് ക്രീസിലുള്ളത്.
