പാക്കിസ്ഥാന്റെ ഇംഗ്ലണ്ടിനെതിരെയുള്ള പരമ്പര നിശ്ചയിക്കുക ടോപ് ഓര്ഡറിന്റെ ബാറ്റിംഗ് പ്രകടനം എന്ന് പറഞ്ഞ് കോച്ച് മിസ്ബ ഉള് ഹക്ക്. മത്സരങ്ങളും പരമ്പരയിലെയും വലിയ വ്യത്യാസം സൃഷ്ടിക്കുന്ന ഘടകം ആകാന് പോകുന്നത് ടോപ് ഓര്ഡറുകളുടെ പ്രകടനമാണെന്ന് മിസ്ബ അഭിപ്രായപ്പെട്ടു.
ഇംഗ്ലണ്ടും പാക്കിസ്ഥാനും മികച്ച ബൗളിംഗ് നിരയുള്ള ടീമുകളാണ്. ഇരുവരും നല്ല ഫോമിലാണ് അതിനാല് തന്നെ ബൗളര്മാര് മികവ് പുലര്ത്തുമെന്ന് ഉറപ്പാണ്. അവിടെ വേറിട്ട് നില്ക്കുക ബാറ്റിംഗില് മികച്ച പ്രകടനം പുറത്തെടുക്കുന്ന ടീമാകുമെന്നും മിസ്ബ വ്യക്തമാക്കി. ഇവിടെ സാഹചര്യങ്ങള് കടുപ്പമായതിനാല് ഇംഗ്ലണ്ടിനും ബുദ്ധിമുട്ട് വരുന്നത് വിന്ഡീസ് പരമ്പരയില് കണ്ടതാണ്.
ടോപ് ഓര്ഡറില് ആര് നന്നായി കളിക്കുന്നുവോ അവരുടെ ടീം വിജയം കുറിയ്ക്കുമെന്നും മിസ്ബ വ്യക്തമാക്കി. ആദ്യ ഇന്നിംഗ്സില് 300 കടന്നാല് 70% വിജയ സാധ്യതയുണ്ടെന്നത് വിന്ഡീസ്-ഇംഗ്ലണ്ട് പരമ്പരയില് കണ്ടതാണെന്നും മിസ്ബ സൂചിപ്പിച്ചു.
