ഒക്ടോബറിൽ ആരംഭിക്കുന്ന ഏകദിന ലോകകപ്പിനായി പാകിസ്ഥാൻ സീനിയർ ദേശീയ ടീമിനെ ഇന്ത്യയിലേക്ക് പോകാൻ അനുവദിക്കണമെന്ന് മുൻ പാകിസ്ഥാൻ ക്യാപ്റ്റൻ മിസ്ബ ഉൾ ഹഖ് ഗവമ്മ്മെന്റിന്റോട് അഭ്യർത്ഥിച്ചു. ഏകദിന ലോകകപ്പിന് പാകിസ്ഥാൻ ഇന്ത്യയിലേക്ക് പോകുന്നില്ലെങ്കിൽ അത് ആരാധകർക്കും രാജ്യത്തെ ക്രിക്കറ്റിനും നിരാശയാകും നൽകുക എന്നും മിസ്ബ പറഞ്ഞു.
“ഇരു രാജ്യങ്ങൾ തമ്മിൽ മറ്റ് കായിക ഇനങ്ങളിൽ കളികൾ നടക്കുന്നുണ്ട്, എന്തുകൊണ്ട് ക്രിക്കറ്റിൽ പാടില്ല,” മിസ്ബ ചോദിക്കുന്നു. “എന്തുകൊണ്ടാണ് ക്രിക്കറ്റിനെ രാഷ്ട്രീയ ബന്ധങ്ങളുമായി ബന്ധിപ്പിക്കുന്നത്? ആളുകൾക്ക് അവരുടെ ടീമുകൾ പരസ്പരം കളിക്കുന്നത് കാണാനുള്ള അവസരം നഷ്ടപ്പെടുത്തുന്നത് അന്യായമാണ്. പാകിസ്ഥാനെയും ഇന്ത്യൻ ക്രിക്കറ്റിനെയും വളരെയധികം പിന്തുടരുന്ന ആരാധകരോട് ഇത് കടുത്ത അനീതിയാണ്.” മുൻ പാകിസ്താൻ ക്യാപ്റ്റൻ പറഞ്ഞു.
“തീർച്ചയായും, പാകിസ്ഥാൻ ഇന്ത്യയിൽ പോയി ലോകകപ്പ് കളിക്കണം. ഞാൻ ഇന്ത്യയിൽ പലതവണ കളിച്ചപ്പോൾ, ഞങ്ങൾ അവിടെയുള്ള സമ്മർദ്ദവും ജനക്കൂട്ടവും ആസ്വദിച്ചു, കാരണം അത് നിങ്ങൾക്ക് പ്രചോദനം നൽകുന്നു, ഇന്ത്യയിലെ സാഹചര്യങ്ങൾ ഞങ്ങൾക്ക് അനുയോജ്യമാണ്. ഞങ്ങളുടെ ടീമിന് ഇന്ത്യൻ സാഹചര്യങ്ങളിൽ നന്നായി കളിക്കാനുള്ള കഴിവുണ്ട്.” അദ്ദേഹം പറഞ്ഞു.
