നാലാം ടെസ്റ്റ് ഗാബയില്‍ തന്നെ നടത്തണം -മാത്യു വെയിഡ്

ഗാബയിലേക്ക് നാലാം ടെസ്റ്റിനായി യാത്ര ചെയ്യുവാന്‍ ഇന്ത്യ വിമുഖത കാട്ടുമ്പോളും പരമ്പര നേരത്തെ നിശ്ചയിച്ച പ്രകാരം തന്നെ മുന്നോട്ട് പോകണമെന്ന് പറഞ്ഞ് ഓസ്ട്രേലിയന്‍ താരം മാത്യു വെയിഡ്. 1988ന് ശേഷം ഓസ്ട്രേലിയ പരാജയം അറിയാത്ത വേദിയാണ് ഗാബ. ഷെഡ്യൂള്‍ നേരത്തെ തന്നെ നിശ്ചയിച്ചതാണെന്നും അതിന്‍ പ്രകാരം മത്സരങ്ങളുമായി മുന്നോട്ട് പോകണമെന്നാണ് തങ്ങളുടെ നിലപാടെന്ന് ഓസ്ട്രേലിയ അറിയിച്ചു.

സിഡ്നി ടെസ്റ്റ് സംശയത്തിലായപ്പോള്‍ മെല്‍ബേണില്‍ തന്നെ തുടരുമെന്നൊരു വാര്‍ത്തയുണ്ടായിരുന്നു. എന്നാല്‍ പിന്നീട് ഷെഡ്യൂള്‍ പ്രകാരം സിഡ്നിയിലേക്ക് ടീമുകള്‍ യാത്രയായി. അപ്രകാരം ഗാബയിലേക്കും ടീമുകള്‍ അവസാന ടെസ്റ്റിനായി പോകണമെന്നാണ് തങ്ങളുടെ ആഗ്രഹമെന്നും വെയിഡ് വ്യക്തമാക്കി.

എസ്‍സിജിയില്‍ തുടരെ രണ്ട് മത്സരങ്ങള്‍ കളിക്കുവാന്‍ തങ്ങള്‍ക്ക് താല്പര്യമില്ല. ഗാബ ഓസ്ട്രേലിയയ്ക്ക് പ്രിയ്പെട്ട വേദിയാണ് എന്നതില്‍ രു രഹസ്യവുമില്ലെന്നും ഓസ്ട്രേലിയന്‍ വിക്കറ്റ് കീപ്പര്‍ ബാറ്റ്സ്മാന്‍ അഭിപ്രായപ്പെട്ടു.