ക്രിക്കറ്റിന്റെ എല്ലാ ഫോര്‍മാറ്റില്‍ നിന്നും വിരമിച്ച് മനോജ് തിവാരി. 2008ൽ ഏകദിന അരങ്ങേറ്റം താരം ബ്രിസ്ബെയിനില്‍ ആണ് നടത്തിയത്. പിന്നീട് ഇന്ത്യയ്ക്കായി കളിക്കുവാന്‍ താരം മൂന്ന് വര്‍ഷം കാത്തിരിക്കേണ്ടി വന്നു. വെസ്റ്റിന്‍ഡീസിനെതിരെ ചെന്നൈയിൽ തന്റെ ഏക ഏകദിന ശതകം താരം നേടിയിരുന്നു.
ഇന്ത്യയ്ക്കായി 12 ഏകദിനത്തിലും 3 ടി20 മത്സരത്തിലും മനോജ് തിവാരി കളിച്ചിട്ടുണ്ട്. നിലവിൽ വെസ്റ്റ് ബംഗാളിലെ യൂത്ത് അഫേഴ്സ് ആന്‍ഡ് സ്പോര്‍ട്സിന്റെ മന്ത്രിയാണ് മനോജ് തിവാരി. ഫസ്റ്റ് ക്ലാസ് കരിയറിൽ 29 ശതകങ്ങള്‍ നേടിയ താരം ഹൈദ്രാബാദിനെതിരെ 2022ൽ തന്റെ ഉയര്‍ന്ന സ്കോറായ 303 നോട്ട് ഔട്ടും നേടിയിരുന്നു.
ഐപിഎലില്‍ 98 മത്സരങ്ങളിൽ കളിച്ച താരം 2012ൽ ചെന്നൈയ്ക്കെതിരെ ഫൈനലിലെ വിജയ റൺ നേടിയിരുന്നു. 2017ൽ താരം റൈസിംഗ് പൂനെ ജയന്റ്സിന് വേണ്ടി ശ്രദ്ധേയമായ പ്രകടനം പുറത്തെടുത്തിരുന്നു.
