ഇന്ത്യയ്ക്കെതിരെ ടെസ്റ്റിൽ വിജയം നേടാനായെങ്കിലും ടി20യിലും ഏകദിനത്തിലും ആ നേട്ടം ആവര്‍ത്തിക്കുവാന്‍ ഇംഗ്ലണ്ടിന് സാധിച്ചിരുന്നില്ല. ടി20 പരമ്പര 2-1ന് ഇംഗ്ലണ്ട് കൈവിട്ടപ്പോള്‍ ആദ്യ ഏകദിനത്തിൽ കനത്ത പരാജയം ആണ് ഇംഗ്ലണ്ട് നേരിട്ടത്.
ഇംഗ്ലണ്ട് പരിഭ്രമിക്കേണ്ട കാര്യമോ എന്തെങ്കിലും മാറ്റം വരുത്തേണ്ട സാഹചര്യമോ ഉണ്ടെന്ന് തനിക്ക് തോന്നുന്നില്ലെന്നാണ് ഓള്‍റൗണ്ടര്‍ മോയിന്‍ അലി വ്യക്തമാക്കിയത്. ഇംഗ്ലണ്ട് കുറെ കാലമായി ഈ ഫോര്‍മാറ്റിൽ ആധിപത്യം പുലര്‍ത്തുന്ന ടീമാണെന്നും ഇടയ്ക്ക് തോല്‍വികള്‍ നല്ലതാണെന്നാണ് താന്‍ കരുതുന്നതെന്നും ഇംഗ്ലണ്ട് ഓള്‍റൗണ്ടര്‍ സൂചിപ്പിച്ചു.
ചിലപ്പോള്‍ തോല്‍വികളിൽ നിന്നാവും കൂടുതൽ പഠിക്കുവാനുള്ള അവസരം എന്നും മോയിന്‍ അലി പറഞ്ഞു.
