വിക്കറ്റിന് പിന്നില്‍ എംഎസ് ധോണി ഇല്ലാത്തത് കുല്‍ദീപ് യാദവിന്റെ പ്രകടനത്തെ വലിയ തോതില്‍ ബാധിക്കുവാന്‍ ഇടയാക്കുന്നുണ്ടെന്ന് പറഞ്ഞ് മുന്‍ ഇംഗ്ലണ്ട് നായകന്‍ മൈക്കല്‍ വോണ്‍. ധോണി വിക്കറ്റിന് പിന്നിലുണ്ടായിരുന്ന കാലത്ത് കുല്‍ദീപിന്റെ ആത്മവിശ്വാസം വ്യത്യസ്തമായിരുന്നുവെന്നും വോണ്‍ പറഞ്ഞു.
ധോണിയുടെ സാമീപ്യം ചിന്തിക്കുന്ന ഒരു ക്യാപ്റ്റന്റെ സഹായം കുല്‍ദീപിന് നല്‍കി വന്നിരുന്നുവെന്നും അത് താരത്തില്‍ നിന്ന് മികച്ച പ്രകടനം പുറത്ത് വരുവാന്‍ സഹായിച്ചുവെന്നും വോണ്‍ പറഞ്ഞു.
ഏകദിന ക്രിക്കറ്റില്‍ 63 മത്സരങ്ങളില്‍ നിന്ന് കുല്‍ദീപ് 105 വിക്കറ്റാണ് നേടിയിട്ടുള്ളത്. 20 ടി20 മത്സരങ്ങളില്‍ നിന്ന് 39 വിക്കറ്റ് നേടിയിട്ടുള്ള താരത്തെ ഇപ്പോള്‍ ടി20 ക്രിക്കറ്റില്‍ ഇന്ത്യ പരിഗണിക്കുക പോലും ചെയ്യുന്നില്ല.
