അര്‍ദ്ധ ശതകം നേടി ഉസ്മാന്‍ ഖവാജയും ഒപ്പം നായകന്‍ ടിം പെയിനും നിലയുറപ്പിച്ചപ്പോള്‍ നാലാം ദിവസം ആദ്യ സെഷനില്‍ വിക്കറ്റ് നഷ്ടമില്ലാതെ ഓസ്ട്രേലിയ. 132/4 എന്ന തലേ ദിവസത്തെ സ്കോറില്‍ നിന്ന് ബാറ്റിംഗ് പുനരാരംഭിച്ച ആതിഥേയര്‍ നാലാം ദിവസം ലഞ്ചിന്റെ സമയത്ത് 190/4 എന്ന നിലയിലാണ്. സെഷനില്‍ അധികം റണ്‍സ് നേടിയില്ലെങ്കിലും വിക്കറ്റൊന്നും നഷ്ടപ്പെട്ടില്ലെന്നത് ഓസ്ട്രേലിയയുടെ നില ഭദ്രമാക്കുന്നു. നിലവില്‍ 233 റണ്‍സ് നേടിയിട്ടുള്ള ഓസ്ട്രേലിയ 300നടുത്തോ അതിലധികമോ നേടിയ ശേഷമാവും ഇന്നിംഗ്സ് ഡിക്ലയര്‍ ചെയ്യുവാന്‍ സാധ്യത.
ഉസ്മാന്‍ ഖവാജ 67 റണ്‍സും ടിം പെയിന്‍ 37 റണ്‍സും നേടിയാണ് ഇന്ത്യന്‍ ബൗളര്‍മാര്‍ക്ക് അവസരം നല്‍കാതെ ബാറ്റ് വീശിയത്.
