ഇംഗ്ലണ്ടിലേക്ക് ശുഭ്മന്‍ ഗില്ലിന്റെ പകരക്കാരനായി പൃഥ്വി ഷായെ വിളിക്കുന്നത് തെറ്റായ സമീപനമെന്ന് പറഞ്ഞ് മുന്‍ ഇന്ത്യന്‍ ഓള്‍റൗണ്ടര്‍ കപിൽ ദേവ്. ടീമില്‍ നിലവില്‍ പകരക്കാരായ ഓപ്പണര്‍മാരുണ്ടെന്നും പൃഥ്വിയെ ഓപ്പണിംഗിനായി വിളിക്കുന്നത് ആ താരങ്ങളോടുള്ള മോശം സമീപനമാകുമെന്നാണ് തന്റെ അഭിപ്രായമെന്നും കപിൽ പറഞ്ഞു.
ഓപ്പണര്‍മാരായി മയാംഗ് അഗര്‍വാളും കെഎൽ രാഹുലും ടീമിലുണ്ടെങ്കിലും രാഹുലിനെ മധ്യനിരയിൽ കളിപ്പിക്കുവാനാണ് ഇന്ത്യന്‍ മാനേജ്മെന്റിന്റെ തീരുമാനം. കരുതൽ താരമായി അഭിമന്യു ഈശ്വരനും ടീമിലുണ്ടെങ്കിലും താരത്തിന് അവസരം നല്‍കുക അസാധ്യമാണ്.
അതിനാൽ ശുഭ്മന്‍ ഗില്ലിന് പകരം പൃഥ്വി ഷായെ ശ്രീലങ്കയിൽ നിന്ന് ഇംഗ്ലണ്ടിലേക്ക് എത്തിക്കുവാനുള്ള ശ്രമം ബിസിസിഐ ആരംഭിച്ചിരിക്കുന്നുവെന്ന് കഴിഞ്ഞ ദിവസം റിപ്പോര്‍ട്ട് വന്നിരുന്നു.
