ഇന്ത്യൻ ക്രിക്കറ്റ് താരം ജെമിമ റോഡ്രിഗസ് വരാനിരിക്കുന്ന വനിതാ ബിഗ് ബാഷ് ലീഗിന്റെ (WBBL) പത്താം പതിപ്പിൽ ബ്രിസ്ബെയ്ൻ ഹീറ്റിനായി കളിക്കും. വ്യാഴാഴ്ച നടന്ന അന്താരാഷ്ട്ര താരങ്ങളുടെ ഡ്രാഫ്റ്റിൽ ഫ്രാഞ്ചൈസി താരത്തെ നിലനിർത്തുകയായിരുന്നു.
ജെമിമ റോഡ്രിഗസ് ബ്രിസ്ബെയ്‌നിൽ “ആരാധകരുടെ പ്രിയങ്കരി”യാണെന്ന് ക്രിക്കറ്റ് ഓസ്‌ട്രേലിയ അറിയിച്ചു. വെസ്റ്റ് ഇൻഡീസിന്റെ ചിനെല്ലെ ഹെൻറി, ദക്ഷിണാഫ്രിക്കയുടെ നദീൻ ഡി ക്ലാർക്ക് എന്നിവർക്കൊപ്പം ജെമിമ വീണ്ടും ഹീറ്റ് ജേഴ്സി അണിയും.
ഈ വർഷത്തെ ഡ്രാഫ്റ്റിൽ, വനിതാ ക്രിക്കറ്റിലെ പ്രമുഖരായ നിരവധി താരങ്ങൾ ഉൾപ്പെടെ ആകെ 23 വിദേശ കളിക്കാരെയാണ് എട്ട് ഡബ്ല്യു.ബി.ബി.എൽ ഫ്രാഞ്ചൈസികൾ തിരഞ്ഞെടുത്തത്. 15 ഇന്ത്യൻ കളിക്കാർ രജിസ്റ്റർ ചെയ്തിരുന്നെങ്കിലും, ഈ റൗണ്ടിൽ നിലനിർത്തപ്പെട്ട ഏക ഇന്ത്യൻ താരം ജെമിമ മാത്രമാണ്.
തിരഞ്ഞെടുത്ത മറ്റ് പ്രധാന താരങ്ങളല്ല്:
- സിഡ്നി തണ്ടർ: ശ്രീലങ്കൻ ക്യാപ്റ്റൻ ചാമരി അത്തപ്പത്തു, ദക്ഷിണാഫ്രിക്കൻ പേസ് ഇതിഹാസം ഷബ്നിം ഇസ്മായിൽ, മുൻ ഇംഗ്ലണ്ട് നായിക ഹെതർ നൈറ്റ്.
- സിഡ്നി സിക്സേഴ്സ്: ഇംഗ്ലണ്ടിന്റെ സോഫിയ ഡങ്ക്ലി, മാഡി വില്ലിയേഴ്സ്, ന്യൂസിലൻഡിന്റെ അമേലിയ കെർ.
- അഡ്‌ലെയ്ഡ് സ്ട്രൈക്കേഴ്‌സ്: സോഫി എക്കിൾസ്റ്റോൺ, ടാമി ബ്യൂമോണ്ട്, ലോറ വോൾവാർഡ്.
- മെൽബൺ സ്റ്റാർസ്: എമി ജോൺസ്, ഡാനി ഗിബ്സൺ, മാരിസാൻ കാപ്പ്.
- പെർത്ത് സ്കോർച്ചേഴ്സ്: സോഫി ഡിവൈൻ, പെയ്ജ് സ്കോൾഫീൽഡ്, ക്ലോ ട്രയോൺ.
- ഹോബാർട്ട് ഹറികെയ്ൻസ്: നതാലി സിവിർ-ബ്രണ്ട്, ഡാനി വ്യാറ്റ്, ലിൻസി സ്മിത്ത്.
- മെൽബൺ റെനഗേഡ്സ്: ഡിയാൻഡ്ര ഡോട്ടിൻ, ആലീസ് ക്യാപ്സി.
