ട്രെന്റ് ബ്രിഡ്ജ് ടെസ്റ്റിന്റെ മൂന്നാം ദിവസം മഴയിൽ മുങ്ങി. ഇന്ന് മത്സരത്തിന്റെ മൂന്നാം ദിവസം പലയാവര്ത്തി മഴ കളി തടസ്സപ്പെടുത്തിയപ്പോള് ഇന്ത്യ 95 റൺസ് ലീഡോടു കൂടി 278 റൺസിൽ എത്തി ഓള്ഔട്ട് ആകുകയായിരുന്നു.
ഒരു ഘട്ടത്തിൽ 205/7 എന്ന നിലയിൽ നിന്ന് 73 റൺസാണ് ഇന്ത്യ അവസാന മൂന്ന് വിക്കറ്റിൽ നേടിയത്. രാഹുല്(84), രവീന്ദ്ര ജഡേജ(56) എന്നിവര്ക്കൊപ്പം 28 റൺസുമായി ജസ്പ്രീത് ബുംറയും മികവ് പുലര്ത്തിയപ്പോള് അഞ്ച് വിക്കറ്റ് നേടിയ ഒല്ലി റോബിന്സണും 4 വിക്കറ്റ് നേടിയ ജെയിംസ് ആന്ഡേഴ്സണുമാണ് മികവ് പുലര്ത്തിയത്.
തന്റെ ഈ നാല് വിക്കറ്റ് നേട്ടത്തിൽ ആന്ഡേഴ്സൺ അനില് കുംബ്ലെയുടെ 619 ടെസ്റ്റ് വിക്കറ്റെന്ന നേട്ടം മറികടന്നിരുന്നു. രണ്ടാം ഇന്നിംഗ്സിൽ 11.1 ഓവറിൽ ഇംഗ്ലണ്ട് 25/0 എന്ന നിലയിൽ നില്ക്കുമ്പോളാണ് കളി തടസപ്പെടുത്തി മഴ വീണ്ടും എത്തിയത്. 11 റൺസുമായി റോറി ബേൺസും 9 റൺസ് നേടി ഡൊമിനിക്ക് സിബ്ലേയുമാണ് ആതിഥേയര്ക്കായി ക്രീസിലുള്ളത്.
